2012年04月02日完美的单身生活

　　啦啦啦啦啦啦！
　　如果政府规定，一个人一个月只可以出街2日，你话几好呢。
　　今个星期返左七日工，今日自己去行街，虽然睇中既野无钱买，不过真系行得好爽
　　今日最主要既目标系之前系杂志度睇中左一对鞋，今日得闲于是就过间店度望两眼
　　300蚊之内或者我都会考虑买左它，结果睇个价钱成3千几。
　　其实我一开始我心入面个价系千八蚊左右都可以接受（只系接受唔代表会买）！
　　3千几系完全接受唔到厘个价，间店无一对鞋系低过3千蚊哦。
　　深圳D物价宜家真系高成甘？
　　我又无一个有钱男朋友（当然啦，我系连穷男朋友都无）
　　所以系无必要（其实系无资金）买D甘高价钱既衫裤鞋袜，我系连试都无试就走左。
　　我从来都唔系一个识得欣赏高价野既人，对于我来说，系我心目中最值我去洗钱既就系食。
　　于是我今日从1点到8点，一共食左四餐。
　　话说我2点系美心香港地食完中餐，就去左睇鞋。
　　跟住发现自己买唔起于是就落左去星巴客独自发脾气，大家都知传说中食野系会令到自己开心。
　　饮完星巴客之后去左HM逛两逛，点解要去HM？
　　因为HM可以一次过拿好多衫去试，但又无人跟住你狂叫你买。
　　我拎左几件平时唔多穿既衫去试，包括好短既热裤同吊带裙，厘两样平时系无可能会穿出街。
　　跟住发现自己穿吊带裙都几有女人既感觉。
　　仲有一个好开心既事，就系我宜家穿裤比以前细左两个码数啦啦啦啦！
　　（边个够胆同我讲中国码同欧码既区别，我就同他绝交）
　　现实同事实都话俾我知，我绝对系100比读书时期瘦左，而且唔只瘦一点点。
　　为左庆祝我瘦左厘个事实，于是行完HM，我就去左颖BABY介绍丰盛町一间叫纽约唔知咩鬼野既餐厅食炸鸡。
　　（间餐厅中文名都无一个，人地问我间餐厅叫咩，我都唔知点答人地。成个招牌我净系睇得明纽约厘个词既英文）
　　间餐厅以前都去过一次，不过因为上次系光棍节联谊活动地点系果度附近，于是好急急忙忙甘食完就走，无好好享受，
　　于是今日专门去返果度，慢慢享受！果然味道比上次好味好多，终于明白颖BABY点解介绍果度啦。
　　食完炸鸡，跟住就去左一间叫田螺姑娘既店仔食田螺。
　　厘间系行完HM去食炸鸡，点知行错路无意中发现既。
　　厘D就叫缘分罗，唔食都觉对唔住命运既安排。
　　虽然买唔起唔知点解会甘贵既鞋，好彩我仲食得起我想食既野。
　　16蚊一份既田螺俾我既幸福感，绝对高过3千蚊对鞋俾我既幸福感。
　　如果真系要买对鞋，无甘多现金系身就要用到信用卡，刷卡既时候会郁闷一个星期
　　跟住一个月后还卡数又要郁闷多一个星期，前前后后买对鞋要郁闷成个几月。
　　系啊，仲有一件事！
　　系HM去试衫室试衫排队要排成二十几三十分钟，于是会发现试衣室门口好多男性皱住眉头企系度。
　　排队大多数都系女性，就算条队中间有一两个男性物体，手上都系拿住女性衣袜。
　　排队既时候时不时都会有人讲快啦快啦！
　　结果通常有两个，一系俾男朋友拉离队伍，唔试了。一系5分钟后重复快啦快啦厘句话。
　　唔理系唔系真系快啦快啦，有人皱住眉甘望住我长达半个小时，仲边有心情试衫啊？
　　一个女人行街最重要就系心情，本来排长队就会令情绪低落，可唔可以唔该你唔好再对女人既心情落井下石？
　　虽然见到你地皱住眉头我会好开心。我都唔知点解我会好开心？
　　今日文章系益田假日广场搞活动，关于壹基金关爱自闭儿童既活动。
　　以前唔理出唔出名，只要系明星我就会好兴奋。
　　今日我居然完全无想去睇明星既冲动，反而经过既时候仲觉得好吵啊。
　　我系唔系真系老啦？
　　会唔会当某一日，刘德华企系我面前，我都无左想同他照相、同他讲野既冲动？
　　我已经觉得无咩野可以令到我有去想追求，有去努力既感觉。
　　系唔系宅女都系甘既呢？